ԵՐԵՎԱՆ, ԴԵԿՏՈՄԲԵՐ 13, 24News
Արցախի Պաշտպանության Բանակի հրամանատար Լևոն Մնացականյանն արդեն պաշտոնանկ է արվել։ Այս մասին հայտնում են 24News-ի աղբյուրը։ Արցախի ՊԲ նոր հրամանատար կնշանակվի գործող շտաբի պետ, գեներալ-մայոր Կարեն Աբրահամյանը։
Մեր աղբյուրի համաձայն՝ առաջիկա մի քանի ժամվա ընթացքում պաշտոնանկության մասին լուրը պաշտոնապես կհաստատվի։ Ավելին, մեր տեղեկության համաձայն՝ ՊԲ ղեկավարի պաշտոնանկության հարցը լուծվել է Երևանում։
Հիշեցնենք՝ Արցախի Հանրապետության նախագահի աշխատակազմի տեղեկատվության գլխավոր վարչությունը այսօր հայտնել էր, որ Երևանում ժամեր առաջ հանդիպել են Արցախի Հանրապետության նախագահ Բակո Սահակյանը և Հայաստանի Հանրապետության վարչապետի պաշտոնակատար Նիկոլ Փաշինյանը:
Ի դեպ, ըստ մեր աղբյուրի՝ հնարավոր է՝ պաշտոնանկ արվի նաև Արցախի հերոս Սամվել Օգանովսկին։