Իրանի անվտանգության աշխատակիցներն ինքնաթիռի առևանգում են կանխել

ԵՐԵՎԱՆ, ՄԱՐՏԻ 5, 24News

․

Իսլամական հեղափոխության պահապանների կորպուսը հայտարարել է, որ անվտանգության ստորաբաժանումները կանխել են Ահվազ-Մեշհեդ ուղղությամբ թռչող ինքնաթիռի առևանգումը: Ինչպես տեղեկացնում է «Արմենպրես»-ը, վկայակոչելով Pars Today-ը, Iran Air ավիաընկերության Fokker 100 ուղևորատար ինքնաթիռը թռիչք է իրականացրել Ահվազի օդանավակայանից Մեշհեդի ուղղությամբ:

Թռիչքի ընթացքում ուղեւորներից մեկը փորձել է գրավել ինքնաթիռը, սակայն չեզոքացվել է ԻՀՊԿ-ի ուժերի կողմից: Ինքնաթիռը վթարային վայրէջք է կատարել Սպահանում, հանցագործը ձերբակալվել է ։

Նախնական տեղեկությունների համաձայն ՝ հանցագործը մտադիր էր ինքնաթիռը վայրէջք կատարել Պարսից ծոցի հարավային ափին գտնվող երկրներից մեկի օդանավակայանում։

․

--00--ԱՀ