ԵՐԵՎԱՆ, ԴԵԿՏՈՄԲԵՐ 14, 24News
ՀՀ Մարդու իրավունքների պաշտպան Արման Թաթոյանն այցելել է կալանավորված ՀՀ երկրորդ նախագահ Ռոբերտ Քոչարյանին և առանձնազրույցի ընթացքում քննարկել ՄԻՊ իրավասությանն առնչվող որոշակի հարցեր: Լրագրողների հետ ճեպազրույցում այս մասին հայտնել է Արման Թաթոյանը։
«Առանձնազրույցի արդյունքում համապատասխան գրություններ և հարցումներ ենք նախապատրաստել այն հարցերի շուրջ, որոնք բարձրացվել են նրա կողմից», - ասել է օմբուդսմենը:
Արման Թաթոյանը չի նշել՝ ինչ հարցերի մասին է խոսքը՝ տեղեկացնելով, որ պարտավոր է առանձնազրույցի բովանդակության գաղտնիությունն ապահովել: Օմբուդսմենը նաև նշել է, որ մշտական կապի մեջ է Ռոբերտ Քոչարյանի պաշտպանների հետ:
«Ես կատարում եմ իմ գործառույթը՝ անկախ նրանից, թե անձը ինչպիսի արարքի համար է մեղադրվում», - ասել է Արման Թաթոյանը:
Հիշեցնենք, որ ՀՀ երկրորդ նախագահը մարտի 1-ի քրեական գործով մեղադրվում է ՀՀ սահմանադրական կարգի տապալման մեջ: