ԵՐԵՎԱՆ, ԴԵԿՏՈՄԲԵՐ 14, 24News
Մարդու իրավունքների պաշտպան Արման Թաթոյանը, բացի կալանավորված ՀՀ երկրորդ նախագահ Ռոբերտ Քոչարյանին այցելելուց, օրերս այցելել է նաև Մանվել Գրիգորյանին: Այս մասին լրագրողներին հայտնեց Արման Թաթոյանը: Առանձնազրույցից հետո ՄԻՊ-ը գրություններ է ուղարկել վարույթն իրականացնող իրավապահ մարմին և ՀՀ արդարադատության նախարարությանը:
«Միայն կարող եմ հայտնել այն, որ մենք արձանագրել ենք առողջական եւ հոգեբանական վիճակի բացասական դինամիկա», - նշել է Արման Թաթոյանը՝ տեղեկացնելով, որ աշխատակազմի բժիշկը պարբերաբար այցելում է Մանվել Գրիգորյանին: