ԵՐԵՎԱՆ, ՄԱՐՏԻ 11, 24News
ՀՀԿ փոխնախագահ Արմեն Աշոտյանը ֆեյսբուքյան էջում գրառում է արել՝ ներակայացնելով Միջազգային հանրապետական ինստիտուտի (IRI) հրապարակած տվյալները Հայաստանի մասով։
«Միջազգային Հանրապետական ինստիտուտի (IRI, ԱՄՆ) հանրային կարծիքի վերջին ուսումնասիրությունը մի շարք կարեւոր ընդգծումներ ունի։
1. Վերջին 3 տարիների ընթացքում հասարակությունը առաջին անգամ է փաստում, որ երկիրը գնում է սխալ ուղղությամբ։
2. Առաջին անգամ է, որ քաղաքական նախընտրելի հավակնորդների շարքում առաջին տեղը զբաղեցնում է «ոչ մեկ» թեկնածուն։
3. Իշխող դավադիր ոհմակը այլեւս լեգիտիմ չէ եւ չունի հանրության մեծամասնության սատարումը։
4. Մայրաքաղաքը էլ ավելի ընգծված ընդդիմադիր է գործող ոհմակին։
5. Իշխանությունները մնալու շանս չունեն, իսկ ընդդիմությունը լրջագույն աշխատանք ունի անելու։
6. Հանրության 1/4-ը իր ընտանիքի ապագան Հայաստանում չի տեսնում։
7. Գործող ԱԺ-ն եւ կառավարությունը որպես ինստիտուտներ բացարձակ վարկաբեկված են։
8. Հայաստանի ամենավստահելի կառույցը մնում է բանակը, որքան էլ վիժվածքը խայտառակ պարտության մեղքը փորձի բարդել զինվորականության վրա։
9. Տվյալներն արդեն հին են, փետրվարինն են։ Կասկած չկա, որ անվստահությունը վիժվածքների հանդեպ ավելի է ընկել»,-գրել է Աշոտյանը։
IRI-ի հրապարակման մասնրամասները՝ այստեղ։
--00—ԼՄ