ԵՐԵՎԱՆ, ԴԵԿՏԵՄԲԵՐ 15, 24News
Գլխավոր դատախազությունը դեռ չի ստացել Երևանի ընդհանուր իրավասության դատարանի որոշումը՝ նախկին փոխվարչապետ Արմեն Գևորգյանի կալանքի միջնորդությունը մերժելու վերաբերյալ: Այդ մասին լրագրողէներին հայտնել է գլխավոր դատախազության հանրային կապերի բաժնի պետ Արևիկ Խաչատրյանը:
«Դատարանի որոշումը ստանալուց հետո դատախազությունում կքննարկվի եւ պարզ կլինի՝ բողոքարկվելու է այն թե ոչ»,- ասաց Արեւիկ խաչատրյանը:
Երևանի ընդհանուր իրավասության դատարանը երեկ՝ դեկտեմբերի 14-ին, մերժել էր Հատուկ քննչական ծառայության միջնորդությունը՝ 2008-ի մարտի 1-ի իրադարձությունների ժամանակ Ազգային անվտանգության խորհրդի քարտուղարի պաշտոնը զբաղեցրած Արմեն Գևորգյանին կալանավորելու վերաբերյալ:
Դեկտեմբերի 12–ին հայտնի դարձավ, որ նախկին պաշտոնյային նոր մեղադրանք է առաջադրվել։ Գեւորգյանը մասնավորապես մեղադրվում է ՀՀ Քրեական օրենսգրքի 311 հոդվածի 4-րդ մասի 2-րդ կետով (պաշտոնատար անձի կողմից առանձապես խոշոր չափերի կաշառաք ստանալը), ՀՀ ՔՕ 190 հոդվածի 3-րդ մասի 1-ին կետով (փողերի լվացում, որը կատարվել է առանձնապես խոշոր չափերով) ՀՀ ՔՕ 38-300.1 հոդվածի 1-ին մասով (սահմանադրական կարգի տապալմանը օժանդակելը):
Ավելի վաղ Արմեն Գեւորգյանին մեղադրանք է առաջադրվել Մարտի 1-ի գործով արդարադատության կայացմանը խոչընդոտելու համար: Նախաքննական մարմինը նրա նկատմամբ որպես խափանման միջոց էր ընտրել չհեռանալու մասին ստորագրությունը: