ԵՐԵՎԱՆ, ԴԵԿՏԵՄԲԵՐ 15, 24News
Մայր Աթոռի մոտ հրմշտոց է տեղի ունեցել կաթողիկոսի հրաժարականը պահանջող «Նոր Հայաստան, նոր հայրապետ» նախաձեռնության անդամների և այնտեղ հավաքված մարդկանց միջև։ Հավաքվածները ձվեր են նետել ակցիայի մասնակիցների մեքենաների ուղղությամբ։
Նախաձեռնության անդամները Երևանից դեպի Էջմիածին ավտոերթ են կազմակերպել: Երբ ակցիայի մասնակիցները փորձել են մտնել Մայր Աթոռի տարածք, բախում է տեղի ունեցել նրանց այնտեղ հավաքվածների միջև։
Մայր Աթոռի տարածքում այժմ մեծ թվով ոստիկաններ վերահսկում են իրավիճակը։