ԵՐԵՎԱՆ, ԴԵԿՏԵՄԲԵՐ 15, 24News
ԱԱԾ տնօրեն Արթուր Վանեցյանը շահագրգռված է, որ ՀՀ երկրորդ նախագահ Ռոբերտ Քոչարյանի պաշտպանները հնարավորինս շուտ դիմեն ՄԻԵԴ և ստանան իրենց հուզող հարցերի պաստախանը: Այս մասին այսօր՝ դեկտեմբերի 15-ին Ծաղկաձորում ԱԱԾ-ի կազմակերպած սեմինարի ժամանակ լրագրողների հետ զրույցում նշեց ՀՀ ԱԱԾ տնօրեն Արթուր Վանեցյանը՝ անդրադառնալով հարցին, թե ինչպես է վերաբերվում Քոչարյանի պաշտպանների՝ ՄԻԵԴ դիմելու որոշմանը, արդյոք ըստ նրա՝ Քոչարյանը ՄԻԵԴ-ում շանսեր ունի:
«Ցանկացած պաշտպանական կողմ, փաստաբանների խումբ կամ փաստաբան կարող է դիմել ցանկացած մարմնի, որպեզի ստանա այս կամ այն հարցի պատասխանը կամ որոշում: Ես չեմ ուզում որեւէ գնահատական տալ կամ կարծիք հայտնել: ՄԻԵԴ-ը այն կառուցն է, որ այդ հարցի պատասխանը կտա, ես երեւի թե ամենաշահագրգռված անձանցից եմ, որ պաշտպանները որքան հնարավոր է շուտ դիմեն այդ դատարան եւ ստանան իրենց հուզող հարցերի պատախանը»,-ասաց նա: