ԵՐԵՎԱՆ, ԴԵԿՏԵՄԲԵՐ 15, 24News
Իսպանիայում մեկնարկել է Սիտջես խոշոր միջազգային մրցաշարը, որին մասնակցում են 41 երկրների 183 շախմատիստ: Հայտնում է Հայաստանի շախմատային ֆեդերացիայի պաշտոնական կայքը:
Մրցաշարի մասնակիցների թվում են հանրահայտ գրոսմայստերներ Վասիլի Իվանչուկը Դմիտրի Անդրեյկինը, Էռեստո Ինարկիևը, Կրիշնան Սաշիկիրանը և մի շարք այլ գրոսմայստերներ:
Մրցաշարում Հայաստանը ներկայացնում են գրոսմայստերներ Մանուէլ Պետրոսյանը, Վահե Բաղդասարյանը և միջազգային վարպետ Տիգրան Հարությունյանը:
Մրցաշարի առաջին տուրում մեր երեք մասնակիցներն էլ հաղթանակներ են տոնել: Այսօր տեղի կունենա մրցաշարի 2-րդ տուրը: