Ինձ Փաշինյանը չի՛ հետաքրքրում, պնդում եմ՝ պատերազմի պարտությանը պատրաստվել են

ԵՐԵՎԱՆ, ՄԱՐՏԻ 25, 24News

«Այո, ես շարունակում եմ պնդել, որ պատերազմի պարտությանը պատրաստվել են, և այն, ինչ տեղի ունեցավ, ծրագրված էր, ամեն ինչից այդ տպավորությունն է առաջանում»,- այս մասին 24TV-ի եթերում ասել է ԱՀ նախագահի անվտանգային և տեղահանվածների հարցերով ներկայացուցիչ, «Միացյալ Հայաստան» կուսակցության նախագահ Վահան Բադասյանը:

«Ինձ չի հետաքրքրում Նիկոլ Փաշինյանը կամ Արայիկ Հարությունյանի փաշինյանամետությունը, ինձ հետաքրքրում են Արցախը, արցախահայությունը և իմ հայրենիքը։ Եվ ես այսօր այստեղ եմ՝ իմ հայրենի Արցախում, որպեսզի ճիշտ այնպես, ինչպես պատերազմի օրերին, նույն ոգով էլ հիմա այս ծանր վիճակից ոտքի կանգնեցնենք մեր հայրենիքը՝ օգնության ձեռք մեկնելով իմ ժողովրդին», -նշել է Բադասյանը:

Անդրադառնալով ՀՀ-ում հայտարարված արտահերթ ընտրություններին՝ բանախոսն ասել է՝ ես հույս չունեմ, որ դրանք տեղի կունենան, քանզի չեմ հավատում Փաշինյանի հայտարարությանը, ով ամեն օր մի նոր սուտ է ասում:

Բադասյանի համոզմամբ՝ այսօր իշխանությունը հենվում է խորհրդարանական ընդդիմության մի մասի վրա և, ըստ էության, այդ մասը խաղում է Փաշինյանի խաղը:

Անդրադարձ է կատարվել ներքաղաքական կարևորության այլ հարցերի ևս:

Մանրամասները՝ տեսանյութում:

--0--ԿԿ