ԵՐԵՎԱՆ, ԴԵԿՏԵՄԲԵՐ 17, 24News
Դեկտեմբերի 17-ից պաշտպանության բանակում մեկնարկել են ամփոփիչ ստուգումներ։ Այդ մասին տեղեկացնում է Արցախի պաշտպանության նախարարությունը։
Ստուգումներն իրականացնում են պաշտպանության նախարարությունում ստեղծված հատուկ հանձնաժողովները: Ստուգվում են ինչպես ժամկետային զինանձնակազմի, այնպես էլ հրամանատարության գիտելիքներն ու գործնական ունակությունները:
Ամփոփիչ ստուգումների նպատակն է մատնանշել անձնակազմի արձանագրած առաջընթացը և վեր հանել առկա թերությունները` հետագայում դրանցից խուսափելու համար:
Ստուգումների ընթացքում հատուկ ուշադրություն է դարձվում անձնակազմի մարտական պատրաստականությանը, դաշտային վարժվածությանն ու ֆիզիկական պատրաստությանը: