ԵՐԵՎԱՆ, ԴԵԿՏԵՄԲԵՐ 18, 24News
ՌԴ դեսպան Սերգեյ Կոպիրկինը չի կարող մեկնաբանել Գյումրիում ռուս զինծառայողի՝ հայ կնոջը սպանելու դեպքը, քանի որ այն իրավական ոլորտում է։ Այդ մասին նա ասաց այսօր՝ դեկտեմբերի 18-ին, հրավիրած ասուլիսի ժամանակ՝ կոչ անելով չքաղաքականացնել դեպքը։
«Որպես դեսպան կարող եմ ասել, որ այդ սարսափելի հանցագործությունը պետք չէ քաղաքականացնել։ Խորին ցավակցություններս եմ հայտնում մահացած կնոջ հարազատներին», - ասաց դեսպանը։
Սերգեյ Կոպիրկինը նշեց, որ ռուսական ռազմաբազայի և ՀՀ իրավապահների միջև գործակցություն կա՝ հիմնված հայկական օրենսդրության վրա։