ԵՐԵՎԱՆ, ԱՊՐԻԼԻ 12, 24News
Թուրքիայի նախագահ Ռեջեփ Թայիփ Էրդոդանի աշխատակազմի հանրային կապերի բաժնի ղեկավար Ֆահրեթթին Ալթունը մեկնել է Ադրբեջան։ Նա մասնակցելու է թյուրքախոս երկրների համագործակցության խորհրդի մեդիայի և տեղեկատվության հարցերով պատասխանատու նախարարների ժողովին։ Այս մասին հայտնում է Ermenihaber.am-ը։
Ալթունը մեկնել է Ադրբեջանի զինուժի կողմից օկուպացված Աղդամ (Ակնա) քաղաք, ապա այցելել Գյանջա (Գանձակ) քաղաք, որը հրթիռակոծման էր ենթարկվել Արցախի զինուժի կողմից՝ ի պատասխան ադրբեջանական ագրեսիայի։ Գանձակ կատարած այցի ընթացքում Ալթունը մի շարք անհիմն հայտարարություններ է արել Հայաստանի վերաբերյալ։
Ի դեպ՝ հիշյալ ժողովին մասնակցել են նաև թուրքական պետական «Anadolu» լրատվական գործակալության ներկայացուցիչները։
--00—ՄՀ