ՌԴ-ն ԱՄՆ-ին խորհուրդ է տվել հեռու մնալ Ղրիմից և Ռուսաստանի սևծովյան ափերից

ԵՐԵՎԱՆ, ԱՊՐԻԼԻ 13, 24News

աշխարհ

Ռուսաստանը զգուշացնում է ԱՄՆ-ին, որ իրենց համար ավելի լավ կլինի, որ հեռու մնան Ռուսաստանից և Ղրիմից։ Ինչպես գրում է «ՌԻԱ Նովոստի» գործակալությունը, այս մասին ասել է ՌԴ փոխարտգործնախարար Սերգեյ Ռյաբկովը:

«ԱՄՆ-ն պետք է հասկանա, որ միջադեպերի ռիսկերը շատ մեծ են. այս տարի մենք այլ ջրային տարածքում նման բան նկատել ենք: Մենք նախազգուշացնում ենք ԱՄՆ-ին, որ ավելի լավ է հեռու մնա Ղրիմից և Ռուսաստանի սևծովյան ափերից: Դա հենց իրենց համար լավ կլինի»,-լրագրողների հետ զրույցում ասել է Ռյաբկովը:

--0--ԿԿ