Մեսսին օգնել է ձեռք բերել Covid-ի 50 000 պատվաստանյութ հարավամերիկացի ֆուտբոլիստների համար

ԵՐԵՎԱՆ, ԱՊՐԻԼԻ 15, 24News

սպորտ

Արգենտինացի հարձակվող Լիոնել Մեսսին օգնել է ձեռք բերել 50 հազար միավոր կորոնավիրուսի պատվաստանյութ հարավամերիկացի ֆուտբոլիստների համար։ Armsport.am-ի փոխանցմամբ, այս մասին հայտնում է The Guardian-ը:

Նշվում է, որ չինական Sinovac դեղագործական ընկերության հետ պայմանագիրը ստորագրվել է այն բանից հետո, երբ Լիոնել Մեսսին չինական կողմին նվիրել է իր ինքնագրով երեք մարզաշապիկ: Գործարքը կայացել է Ուրուգվայի նախագահ Լուիս Լակալ Պոուի միջնորդությամբ:
 
Պատվաստանյութերի մի մասը առաքվել է Արգենտինայի առաջին դիվիզիոնի 26 ակումբներ: Լիոնել Մեսսին նախատեսում է այս ամռանը Ամերիկայի գավաթի խաղարկությունից առաջ Հարավային Ամերիկայի բոլոր ֆուտբոլիստներին պատվաստելու ծրագիր։

--0--ԿԿ