ԵՐԵՎԱՆ, ՄԱՅԻՍԻ 1, 24News
Ղրղզստանի և Տաջիկստանի ազգային անվտանգության պետական կոմիտեների (GKNB) ղեկավարներ Կամչիբեկ Տաշիևը և Սայումումին Յաթիմովը համաձայնություն են ձեռք բերել երկու երկրների սահմանին լիակատար հրադադարի մասին։ Այս մասին ТАСС-ի հաղորդմամբ՝ հայտնել է Ղրղզստանի ազգային անվտանգության պետական կոմիտեի ղեկավարը:
«Ղրղզստանն ու Տաջիկստանը պայմանավորվածության են եկել սահմանին կրակի ամբողջական դադարեցման վերաբերյալ»,- ասել է նա։
Ղրղզստանի և Տաջիկստանի սահմանամերձ շրջանի բնակիչների միջև հակամարտությունն ապրիլի 29-ին վերածվել էր երկու երկրների միջև ռազմական դիմակայության: Ղրղզ և տաջիկ սահմանապահների միջև բախումները շարունակվել էին մի քանի ժամ, ինչի հետևանքով երկու կողմից զոհվել էր մոտ 40 մարդ, շուրջ 200-ը վիրավորվել էին:
--00—ՄՀ