ԵՐԵՎԱՆ, ՄԱՅԻՍԻ 13, 24News
Ադրբեջանցի զինվորականները հատել են Հայաստանի պետական սահմանը, 3,5 կմ խորացել՝ ինքնիշխան պետության տարածք։ Սա նշանակում է, որ այն կա՛մ ահաբեկչական հարձակում է, որի դեպքում նրանք պետք է ձերբակալվեին կամ ոչնչացվեին, կա՛մ, եթե պաշտոնապես հաստատվում է, որ նրանք Ադրբեջանի զինված ուժերն են, ապա հարևան պետությունը հարձակվել է մեզ վրա։ Այս մասին 24TV-ի «Հարցազրույց» հաղորդման եթերում ասել է Արցախի ԱԻՊԾ նախկին փոխտնօրեն, գնդապետ Բորիս Ավագյանը։
«Ինչո՞ւ ադրբեջանցի 200 հոգանոց զինված ջոկատը գերևարված, ձերբակալված կամ ոչնչացված չէ։ Կառավարության գնահատմամբ՝ դա սադրանք է ու ճգնաժամ, բայց նույնկերպ վաղը կարող ենք տեսնել, որ եկել են 5000 հոգանոց ադրբեջանական ջոկատով և կանգնել Սևանա լճում ու ասում են՝ մերն է մեր քարտեզով։ Գործողություններն ինչպիսի՞ն են լինելու։
Իմ կարծիքով տեղի է ունեցել հանցագործություն։ Պետք է քրեական գործ հարուցվի։ Հատված է ՀՀ պետական սահմանը։ 3,5 կմ ներս են եկել ՀՀ ինքնիշխան տարածք։ Ինչո՞ւ մինչ այս պահը չի հարուցվել քրեական գործ։ Ինչու՞ նրանք չեն ձերբակալվել, եթե խոչնդոտեին, պետք է ոչնցացվեին։
Վաղը Սևանում սահմանային ճշգրտումներ կանցկացնեն։ Կգան, կհասնեն Վայոց ձոր։ Պետական սահմանը հատել են, իշխանությունն այդ փաստն ընդունում է։ Ասում է 3,5 կմ ներս են մտել զինված ադրբեջանցիներ։ Մինչ այսօր ոչ մի իրավական հետևանք չկա։ Սա ազգային անվտանգության հարց է»,- եզրափակել է նա։
Մանրամասները՝ տեսանյութում։
--0--ԿԿ