ԵՐԵՎԱՆ, ՄԱՅԻՍԻ 15, 24News
Ամերիկագետ Սուրեն Սարգսյանը ֆեյսբուքյան իր էջում ներկայացրել է ԱԳՆ պաշտոնական արձագանքը` Սյունիքում ստեղծված իրավիճակի վերաբերյալ միջազգային կոչերին ի պատասխան:
ՀՀ ԱԳՆ-ից հայտնել էին.
«Մեկ անգամ ևս ընդգծում ենք, որ ադրբեջանական կողմը ներխուժել է Հայաստանի ինքնիշխան տարածք: Մենք բարձր ենք գնահատում մեր միջազգային գործընկերների կոչերն ուղղված Ադրբեջանին՝ անհապաղ դուրս բերելու իր զինված ստորաբաժանումները ՀՀ տարածքից:
ՀՀ ԱԳ նախարարությունը հուսով է, որ ադրբեջանական կողմը կանսա այդ կոչերին և չի գնա իրադրության հետագա լարման:
Հայաստանի Հանրապետությունը վճռական է բոլոր միջոցները ձեռնարկել՝ ապահովելու իր տարածքային ամբողջականությունը, ինչի մասին տեղեկացրել է նաև իր գործընկերներին տարբեր հարթակներում»:
Սարգսյանը գրել է.
«1. Ամերիկյան կողմի չոր ու հստակ ձևակերպմանը չոր ու հստակ չեն պատասախանել:
2. Սա դիվանագիտական ձևակերպում չի, լղոզված անողնաշար հայտարարություն ա:
3. Տարածքային ամբողջականությունը չեն կարողացել պաշտպանել ոչ բանակով, ոչ դիվանագիտությամբ:
4. Ոչ ոքին կոչ չի արվում հարգել ՀՀ տարածքային ամբողջականությունը»:
--00--ԱԹ