Մեկ օրում ոստիկանությունը բացահայտել է հանցագործության 65 դեպք

ԵՐԵՎԱՆ, ՄԱՅԻՍԻ 19, 24News

․

Ըստ ոստիկանության օպերատիվ հաղորդագրությունների ամփոփագրերի` մայիսի 18-19-ը Հայաստանի Հանրապետության ոստիկանության ստորաբաժանումները բացահայտել են հանցագործության 65 դեպք, որից 11-ը՝ նախկինում կատարված։

Մասնավորապես՝ անձնական ունեցվածքի գողության՝ 15, մարմնական վնասվածք պատճառելու՝ 13, խարդախության՝ 7, յուրացման կամ վատնման և թմրամիջոցի հայտնաբերման՝ 3-ական, ընտանեկան բռնության, փաստաթուղթ կեղծելու և ծեծի՝ 2-ական, անձի առևանգման, պետական-հասարակական ունեցվածքի գողության, գույքը դիտավորությամբ վնասելու, ապօրինի ծառահատման, պաշտոնեական լիազորությունների չարաշահման, անօրինական միգրացիայի կազմակերպման ու պատմության և մշակութային հուշարձանները ոչնչացնելու կամ վնասելու՝ 1-ական դեպք։

Հայտնաբերվել են 3 անհետ կորած, 10 հետախուզվող։ Կամավոր ներկայացել է 2 հետախուզվող։

Նախկինում կատարված հանցագործություններից բացահայտվել է անձնական ունեցվածքի գողության 9 և մարմնական վնասվածք պատճառելու 1 դեպք։

Անցած 1 օրվա ընթացքում հանրապետությունում արձանագրվել է ճանապարհատրանսպորտային 13 պատահար. 1 մարդ զոհվել է, 17-ը՝ ստացել տարբեր աստիճանի մարմնական վնասվածքներ:

--00--ԱՀ