ԵՐԵՎԱՆ, ՄԱՅԻՍԻ 20, 24News
Մայիսի 20-ին, ժամը 12։41-ին Վայոց ձորի մարզային ճգնաժամային կառավարման կենտրոն ահազանգ է ստացվել, որ Եղեգնաձոր քաղաքի Երևանյան խճուղում գտնվող բենզալցակայանում հրդեհ է բռնկվել:
Հայաստանի ԱԻՆ-ից հայտնում են, որ դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատներից երեք մարտական հաշվարկ։
Պարզվել է, որ այրվում է բենզինով լցված ցիստեռն:
Հրդեհը մեկուսացվել է ժամը 12:57-ին, մարվել՝ 13:05-ին: Այրվել է մոտ 100 լիտր բենզին:
Հրդեհի հետևանքով քաղաքացի Հ․ Հ․-ն (ծնված 1971 թ.) ստացել է այրվածքներ և մինչ հրշեջ-փրկարարների կանչի վայր հասնելը, տեղափոխվել է Եղեգնաձոր քաղաքի ԲԿ, որտեղ բժիշկները տուժածի առողջական վիճակը գնահատել են բավարար:
--00--ԱՀ