ԵՐԵՎԱՆ, ՄԱՅԻՍԻ 29, 24News
«Հայրենիք» կուսակցության խորհրդի անդամ Արսեն Բաբայանը ֆեյսբուքյան էջում գրել է.
«ՈՒՂՂԻ՛Ր ՄԵՋՔԴ
Հայ ժողովրդը պետք է վերականգնի և վերագտնի իր արժանապատվությունը և վեհությունը:
Պետք է պատրաստ լինի աշխատանքի և պայքարի միջոցով վերահաստատել սեփական Հայրենիքում իր ապրելու իրավունքը:
Պետք է կրկին հավատա սեփական ուժերին և վերցնի իր ճակատագիրը իր ձեռքը:
ԿՊՆԵ՛ՆՔ ԳՈՐԾԻՆ
Բաժանարար գծերը պետք է վերանան մեր երկրում:
Բոլոր ուղղություններով միասնական ջանքերի համադրմամբ պետք է անցնել Հայրենիքի հզորացման, շենացման, ամրապնդման, զարգացման գործին:
Մենք ունենք փորձ, գիտելիք և ցանկություն մեր հայրենակիցների հետ միասին ամրացնել Հայաստանը, պաշտպանել այն ու նոր որակի աշխատանքներ տանել բոլոր ուղղություններով՝ տնտեսությունից մինչև կրթություն, անվտանգությունից մինչև առողջապահություն, մշակույթից մինչև դիվանագիտություն:
ՈՐ ԱՊՐԵ՛ՆՔ
Մեզ շրջապատող իրականությունը տագնապալից է և բազմաթիվ վտանգներ ու ռիսկեր է պարունակում, որոնք սպառնում են թե յուրաքանչյուր հայի, թե մեր հավաքական գոյությանը:
Մենք դավանում ենք Հայրենիքի հավիտենականության սկզբունքը:
Մենք պետք է արարենք մեր Հայրենիքում, պետք է չկորցնենք մեր հույսն ու հավատը մեր ապագայի հանդեպ:
Հայ ժողովրդի փառապանծ պատմությունը մեզ վրա ընդհատելու իրավունք չունենք:
Մենք վերանալու իրավունք չունենք:
Պետք է ապրենք և մեզանով ապրեցնենք Հայաստանն ու Արցախը»:
--00--ԱԹ