ԵՐԵՎԱՆ, ՀՈՒՆԻՍԻ 23, 24News
Երբ մոդելներն են ֆոտոսեսիա անում, հասկանալի է, իրենց գեղեցկությունն են ցուցադրում, ինչն ինքնին արժեք է, սակայն երբ սեփական օրակարգ չունեցող քաղաքական մոդելներն են ֆոտոսեսիաների մասնակցում, անգամ էսթետիկ կազմվածք չունենալով (ամերիկյան ժպիտները չհաշված), ու դրանով փորձում են ուրիշի օրակարգում տեղավորվել, համարելով, որ քաղաքական կյանքին ինչ-որ մասնակցություն ունեն, խղճուկ տեսարան է բացվում։ Այս մասին ֆեյսբուքյան իր էջում գրել է քաղաքական վերլուծաբան Ստեփան Դանիելյանը՝ իր գրառումը վերնագրելով «Ֆոտոսեսիա N 2»:
«Քաղաքական մոդելից քաղաքական սուբյեկտ դառնալն անհնարին ճանապարհ է՝ չկա նման բան, սակայն դա էլ է դերակատարություն։ Անգամ քաղաքական ֆլորան ու ֆաունան է բազմազան լինում, դա էլ է բնության դրսևորումներից մեկը»,-գրել է Դանիելյանը: