Հուլիսի 8-ին Վարանդայի (Ֆիզուլի) և Ջրականի (Ջաբրայիլ) շրջաններից հայտնաբերվել է 2 աճյուն

ԵՐԵՎԱՆ, ՀՈՒԼԻՍԻ 8, 24News

Հասարակական

Զոհված և անհետ կորած համարվող զինծառայողների աճյունների որոնումներն այսօր փրկարարական մեկ ջոկատով իրականացվել են Վարանդայի (Ֆիզուլի) և Ջրականի (Ջաբրայիլ) ուղղություններում: Այս մասին հայտնում են Արցախի արտակարգ իրավիճակների ծառայությունից։

Աշխատանքների արդյունքում հայտնաբերվել և Ադրբեջանի վերահսկողության տակ անցած տարածքներից տարհանվել է ևս 2՝ նախնական տվյալներով ռազմական գործողությունների մասնակիցների աճյուններ:

Նրանց ինքնությունը կհաստատվի դատաբժշկական փորձաքննությունից հետո:

Զինադադարից հետո մինչ օրս Արցախի օկուպացված տարածքներից տարհանվել է 1598 աճյուն:

--00--ԿԿ