ԵՐԵՎԱՆ, ՀՈՒԼԻՍԻ 13, 24News
Լեռնային Ղարաբաղի Մարտակերտի շրջանի Վանք գյուղում Մարդասիրական արձագանքման կենտրոնի սպաները և ՌԴ խաղաղապահ զորակազմի հատուկ նշանակության բժշկական ստորաբաժանման ռազմական բժիշկները կազմակերպել են հումանիտար-բժշկական ակցիա:
Ռուս ռազմական բժիշկների ժամանմանը գյուղապետարանը տեղական հիվանդանոցում աշխատանքային սենյակներ էր պատրաստել տեղի բնակիչներին որակյալ բժշկական օգնություն տրամադրելու համար:
«Մեր գյուղում ունենք մոտ 1400 մարդ և ևս 160 փախստական: Մեր հիվանդանոցում բժիշկներ չկան, միայն բուժքույրեր են: Բժիշկների կարիք շատ ունենք: Շնորհակալություն խաղաղապահներին օգնության համար», - ասել է Վանքի գյուղխորհրդի ղեկավարի տեղակալ Սերգեյ Բաղրամյանը:
«Այս պահին Վանք գյուղում ապրում է ներքին տեղահանված 68 ընտանիք, այդ ընտանիքներից 21-ը բազմազավակ ընտանիքներ են, որոնց համար մենք մարդասիրական օգնություն ենք բերել», - ասել է մարդասիրական արձագանքման կենտրոնի ներկայացուցիչ Դմիտրի Տուսիդին:
Ընդհանուր առմամբ, մարդասիրական ակցիայի ընթացքում փոխանցվել է ավելի քան չորս տոննա բեռ:
--00—ՄՀ