Ադրբեջանն ու Թուրքիան ունեն Հայաստանի ամբողջական բռնազավթմանը հասնելու նպատակ

ԵՐԵՎԱՆ, ՀՈՒԼԻՍԻ 15, 24News 

Աբրահամյան

Ադրբեջանի նախագահի՝ Սյունիքի, Սևանի կամ Երևանի նկատմամբ հավակնությունների մասին հայտարարությունները պետք է ընդունել որպես փաստ, Ադրբեջանի օրակարգում գտնվող հարց։  Այլ բան է, որ Հայաստանի իշխանությունն այս օրակարգին հակազդելու ո՛չ կամք, ո՛չ էլ ցանկություն ունի։ Այս մասին ֆեյսբուքյան իր էջում գրել է «Հենակետ» վերլուծական կենտրոնի ղեկավար, «Պատիվ ունեմ» դաշինքի անդամ Տիգրան Աբրահամյանը։

«Կա՞ մեկը, ով կասկածում է, որ Ադրբեջանի նախագահն իր հայտարարություններում անկեղծ չէ կամ զուտ քարոզչական նպատակներով է նման տեքստեր հնչեցնում։

Ես վստահ եմ, որ Ադրբեջանն ու Թուրքիան ունեն մեկ նպատակ՝ ռազմական, քաղաքական, տնտեսական ամենատարբեր գործիքակազմով հասնել Հայաստանի ամբողջական բռնազավթմանը։

Թե դա որտեղից կսկսեն, ինչ ժամկետներում կիրականացնեն, արդեն տեխնիկական խնդիր է։

Իշխանությունն իր ներքին և արտաքին քաղաքականությամբ միայն արագացնում է այս գործընթացները՝ այդ ճանապարհին կոտրելով ցանկացած դիմադրություն, որը կարող է խանգարել սցենարային այդ զարգացումներին»։

--00—ՄՀ