ԵՐԵՎԱՆ, ՀՈՒՆՎԱՐ 11, 24News
«Բարգավաճ Հայաստան» կուսակցությունը ԱԺ նախագահի տեղակալի պաշտոնում առաջադրել է Վահե Էնֆիաջյանի թեկնածությունը: Այդ մասին որոշումն ընդունվել է այսօր՝ հունվարի 11-ին, կուսակցության կենտրոնական գրասենյակում տեղի ունեցած ԲՀԿ քաղաքական խորհրդի նիստին, որը վարել է Գագիկ Ծառուկյանը:
Քննարկվել են 7-րդ գումարման Ազգային Ժողովում ԲՀԿ խմբակցության անելիքներն ու առաջիկա ծրագրերը: ԲՀԿ խմբակցության քարտուղար է դառնալու Արման Աբովյանը:
Գագիկ Ծառուկյանը խմբակցության պատգամավորներին մաղթել է արդյունավետ օրենսդիր աշխատանք: