ԵՐԵՎԱՆ, ՀՈՒՆՎԱՐ 11, 24News
ԱՄՆ Ֆրեզնո քաղաք թուրքական բիզնես պատվիրակության այցը չեղարկվել է տեղի ազդեցիկ հայ համայնքի դժգոհությունից և բողոքներից հետո:
«Մեր համայնքի հանդեպ հարգանքից դրդված հունվարի 15-ին Ֆրեզնոյում նախատեսված գյուղատնտեսության ոլորտում թուրքական պատվիրակության հետ միջոցառումը չեղյալ է հայտարարվել»,- նշված է Հայաստանի պատվավոր հյուպատոս Պերճ Աբգարյանի էջում հրապարակված հայտարարության մեջ: Նամակը ստորագրել էին Աբգարյանը, ինչպես նաև Ֆրեզնոյի Առևտրի պալատի նախագահը, շրջանի Ֆերմերային բյուրոյի ղեկավարը, Քալիֆոնիա նահանգի Սենատի անդամ Անդրեաս Բորգեասը: