ԵՐԵՎԱՆ, ՕԳՈՍՏՈՍԻ 25, 24News
Մոնթե Մելքոնյանի անվան ռազմամարզական վարժարանում անցկացվել է «Միջազգային բանակային խաղեր-2021» մրցաշարի շրջանակում Հայաստանի Հանրապետությունում մեկնարկած «Խաղաղության մարտիկ» միջազգային մրցույթի առաջին՝ գրական-գեղարվեստական «Տեր և տիկին» մրցաձեւը: Ինչպես տեղեկացնում են Պաշտպանության նախարարությունից, հավաքական թիմերի ներկայացուցիչները հանդես են եկել ազգային տարազներով, երաժշտական, պարային եւ ասմունքի տարբեր կատարումներով:
Մշակույթի գործիչներով համալրված հեղինակավոր ժյուրիի գնահատականների համադրումից հետո որոշվել է տվյալ մրցափուլի հաղթողը:
Առաջին տեղում Հայաստանի զինված ուժերը ներկայացնող թիմն է: Մեր մասնակիցներից Հայկ Հակոբյանը եւ Արմինե Գրիգորյանը անհատական հաշվարկով առաջատարներ են:
Որպես գրական-գեղարվեստական մրցաձեւի շարունակություն, մասնակիցները նաեւ բացազատել են ազգային տաղավարներ, որտեղ ներկայացվել են մշակութային տարբեր ցուցանմուշներ, տվյալ երկրի խոհանոցին բնորոշ կերակրատեսակներ:
--00--ԱԹ