ԵՐԵՎԱՆ, ՍԵՊՏԵՄԲԵՐԻ 9, 24News
Պետական կենսաթոշակների և մինչև երկու տարեկան երեխայի խնամքի նպաստի վճարում կատարելու նպատակով Հայփոստն ու բանկերը սեպտեմբեր ամսին ֆինանսավորվել են վճարման ենթակա գումարի ավելի քան 97%-ով: Այս մասին 24news-ին տեղեկացրին ՀՀ աշխատանքի և սոցիալական հարցերի նախարարությունից՝ հայտնելով, որ վճարման գործընթացը կամբողջացվի առաջիկա օրերի ընթացքում:
Հիշեցնենք, Հայփոստն այսօր հայտարարությամբ է հանդես եկել՝ հայտնելով, որ կանխիկ կենսաթոշակի և երեխայի նպաստի վճարումները ժամանակավորապես չեն կատարվի: Դրանում նշվում էր.
«Սեպտեմբերի 9-ից ժամը 16:00-ից սկսած ժամանակավորապես չի վճարում կանխիկ եղանակով կենսաթոշակի և մինչև 2 տարեկան երեխայի խնամքի նպաստի վճարումները, քանի որ չի ստացել բավարար չափով դրամական միջոցներ ՀՀ աշխատանքի և սոցիալական հարցերի նախարարության միասնական սոցիալական ծառայության կողմից»:
--00--ԱԹ