ԵՐԵՎԱՆ, ՍԵՊՏԵՄԲԵՐԻ 13, 24News
Թբիլիսիում եւ Քութայիսում երեք մարդ Է ձերբակալվել հրաձգային զենքի ու զինամթերքի անօրինական ձեռքբերման ու պահպանման մեղադրանքով: Այդ մասին, ինչպես տեղեկացնում Է «Արմենպրես»-ը, հաղորդել Է Վրաստանի ՆԳ նախարարությունը:
Գերատեսչության տեղեկատվությամբ, օպերատիվ եւ հետաքննչական միջոցառումների անցկացվել են տարբեր ժամանակներում՝ ինչպես Վրաստանի մայրաքաղաքում, այնպես Էլ Իմերեթի տարածաշրջանում:
Ձերբակալվածների թվում կա ավելի վաղ դատապարտված 30-ամյա քաղաքացի: Նրա անձնական ավտոմեքենայի խուզարկության ընթացքում ոստիկանությունն առգրավել Է Մակարով եւ TT ատրճանակներ, չորս պահունակ եւ 22 փամփուշտ:
Նաեւ Թբիլիսիում ձերբակալվել Է 26-ամյա մի երիտասարդ, ում մեքենայի մեջ գտել են ատրճանակ, որը պատրաստվել Է տնայնագործական եղենակով, պահունակ եւ չորս մարտական փամփուշտ:
Բացի այդ, ոստիկանությունը Իմերեթի տարածաշրջանում 49-ամյա տղամարդու Է ձերբակալել զինամթերքի անօրինական ձեռքբերման ու պահպանման մեղադրանքով:
Նրա տան խուզարկության ժամանակ իրավապահները գտել են Ֆ-1 տեսակի նռնակ:
Հետաքննությունն իրականացվում Է «Հրաձգային զենքի ու զինամթերքի անօրինական ձեռքբերում, պահպանում եւ կրում» հոդվածով: Հանցագործությունը նախատեսում Է ազատազրկում երեքից մինչեւ յոթ տարի ժամկետով։
--00—ՄՀ