ԵՐԵՎԱՆ, ՀՈՒՆՎԱՐ 16, 24News
«Սասնա ծռեր» խմբի 10 տաս անդամների գործով դատական նիստի ժամանակ Զարուհի Փոստանջյանը ՊՊԾ գնդի գրավման գործով ամբաստանյալ Արմեն Բիլյանի խափանման միջոց կալանքը ստորագրությամբ փոխելու միջնորդություն է ներկայացրել:
Գործով ամբաստանյալ Պավել Մանուկյանը ևս իր դիրքորոշումն է հայտնել Բիլյանի ազատ արձակման վերաբերյալ՝ հայտարարելով, որ նա հանցանք չի գործել։
«Արմեն Բիլյանն այս ազգին պիտանի մարդ է: Նա հանցագործ անցյալ չի ունեցել, նա հայազգի մասին մտահոգ քաղաքացի կատարել է իր սրբազան պարտքը», -ասել է Պավել Մանուկյանը:
Հիշեցնենք, որ Պավել Մանուկյանը ազատ արձակվելուց հետո բազմիցս հայտարարել է, որ սպանված ոստիկան Գագիկ Մկրտչյանի մահվան հետ Արմեն Բիլյանը կապ չունի, նա չի եղել ոստիկանին կրակողը:
Արմեն Բիլյանն իր հերթին վստահեցրել է, որ ինքը պատասխանատվությունից չի խուսափի. «Արմեն Բիլյանը փախնող և հայրենիքը լքող տղա չի»:
Տուժողի իրավահաջորդներն միջնորդությանը դեմ են: Սպանված ոստիկան Գագիկ Մկրտչյանի կինը` Հասմիկ Ոսկանյանը, ասել էր. «Ազգի համար գնացող մեկը բանկոմա՞տ է թալանում: Հանուն հայրենիքի մարդը չի գնում մանր գողության: Ինձ հետաքրքիր չէ՝ վնասվածքը եղել է ի՞ր կողմից, թե՞՝ մեկ ուրիշի: Գագիկ Մկրտչյանը վիրավոր է եղել 27 օր ապրել է, որից 12 օրը գիտակցության մեջ է եղել: Ես խոսել եմ Գագիկի հետ, նա ասել է՝ ինչպե՞ս է վնասվածք ստացել: Առարկում եմ միջնորդության դեմ»:
Դատարանը հեռացավ խորհրդակցական սենյակ որոշում կայացնելու։