Հայաստանի իշխանություններն Արցախի գոյությունը չեն ընդունում. «Հրապարակ»

ԵՐԵՎԱՆ, ՍԵՊՏԵՄԲԵՐԻ 21, 24News

Արցախ

«Հրապարակ»-ը գրում է.

«Այսօր Հայաստանի անկախության 30-ամյակին նվիրված գունագեղ միջոցառումներին առաջինը ներկա գտնվելու համար անգամ Արցախի խորհրդարանին հրավեր  չի եղել։ Խորհրդարանի «Արդարություն» ընդդիմադիր խմբակցության ղեկավար Դավիթ Գալստյանը երեկ մեր լրագրողին այս առիթով ասել է․ «Սա ևս մեկ անգամ փաստում է, որ Հայաստանի իշխանությունները ոչ թե Արցախը լուրջ չեն ընդունում, այլ ընդհանրապես նրա գոյությունը չեն ընդունում»։

Մեր ճշտող հարցին՝ գուցե իշխանական ֆրակցիաներին հրավեր եղել է, պատգամավորն ասաց, որ ինքը զրուցել է տարբեր խմբակցությունների պատգամավորների հետ, և նրանք էլ նույնն են ասել։ Մինչդեռ նախկինում խորհրդարանին մշտապես հրավեր է եղել, բացառությամբ անցած տարվա, երբ կորոնավիրուսով պայմանավորված՝ միջոցառումներ չեն անցկացվել։

Փոխարենը ԱՀ նախագահ Արայիկ Հարությունյանը նախօրեից Երևանում է, կմասնակցի՞ այսօրվա միջոցառումներին, մեզ չհաջողվեց պարզել»։

--00--ԱԹ

Տեսանյութեր