ԵՐԵՎԱՆ, ՀՈՒՆՎԱՐ 17, 24News
ՀՀ Ոստիկանությունից հայտնում են, որ այս օրերին ջրային կենդանիների, բույսերի ապօրինի արդյունահանման դեմ պայքարին ուղղված միջոցառումներ են ձեռնարկում նաև Ոստիկանության Երևան քաղաքի վարչության ստորաբաժանումները:
Հունվարի 12-ին ոստիկանները Գայի պողոտայում հայտնաբերել են սիգ վաճառող 2 տղամարդու, որոնք Գավառի և Սևանի բնակիչներ են: Նրանք բերման են ենթարկվել ոստիկանության Նոր Նորքի բաժին:
Հայտնաբերված 40 սիգը հանձնվել է Բնապահպանության և ընդերքի տեսչության մարմնի ներկայացուցիչներին, նախապատրաստվում են նյութեր, միջոցառումները շարունակվում են: