ԵՐԵՎԱՆ, ՍԵՊՏԵՄԲԵՐԻ 30, 24 News
Ադրբեջանի նորանշանակ դեսպան Ալի Ալիզադեի հավատարմագրերի պատճենները ստանալով` Իրանի ԱԳ նախարար Ամիր Աբդոլլախիանը դժգոհություն է հայտնել ադրբեջանցի սահմանապահների` իրանցի վարորդների նկատմամբ անպատշաճ վերաբերմունքի և երկու վարորդների ձերբակալության առթիվ: Այս մասին հայտնում է Իրանի ԱԳՆ մամուլի ծառայությունը:
«Իրանը չի հանդուրժի «սիոնիստական ռեժիմի» ներկայությունն ու գործողությունները` ուղղված իր ազգային անվտանգության դեմ, և այս ուղղությամբ կձեռնարկի բոլոր անհրաժեշտ քայլերը»,- ասել է նախարարը:
Դեսպանն, իր հերթին, հույս է հայտնել, որ վերջին իրադարձությունները կհարթվեն երկու երկրների պաշտոնատար անձանց միջև երկխոսությամբ:
--00--ԱԹ