ԵՐԵՎԱՆ, ՀՈՒՆՎԱՐ 17, 24News
Նորընտիր Ազգային ժողովի աշխատակազմի ղեկավար, ամենայն հավանականությամբ, կնշանակվի նախկին առաջին փոխվարչապետ Արարատ Միրզոյանի խորհրդական Տիգրան Գալստյանը։ Այդ մասին 24News-ի հետ զրույցում ասել է «Քաղաքացիական պայմանագիր» կուսակցության մամուլի խոսնակ Վահան Կոստանյանը:
Տիգրան Գալստյանն անկուսակցական է։ Նա 2002–2003 թթ.-ին աշխատել է «ԻՄԷՔՍ ԳՐՈՒՊ» ՍՊԸ-ում՝ որպես խանութ-սրահի ղեկավար, 2003-2006 թթ.-ին դարձել է նույն ընկերության մարքեթինգային ուսումնասիրությունների գծով մասնագետ, այնուհետեւ՝ 2007-2008 «ԻՄԷՔՍ ԳՐՈՒՊ»-ի խորհրդի նախագահի օգնական եւ 2009-2018 թթ.-ին՝ ընկերության խորհրդի նախագահի աշխատակազմի ղեկավար: 2018 թվականի սեպտեմբերի 10-ին Տիգրան Գալստյանը նշանակվել էր առաջին փոխվարչապետ Արարատ Միրզոյանի խորհրդական: