ԵՐԵՎԱՆ, ՀՈԿՏԵՄԲԵՐԻ 11, 24News
Արցախում խաղաղ բնակչի սպանած ադրբեջանցի դիպուկահարը ձերբակալվել է: Այս մասին հայտնում է Wargonzo տելեգրամյան ալիքը՝ հղում անելով ռուսական ուժային կառույցներում իր աղբյուրներին:
Օրերս Մարտակերտում տեղի ունեցած միջադեպի քննությամբ զբաղվում էր հատուկ եռակողմ հանձնաժողովը, որ կազմվել էր ՀՀ, ՌԴ, Ադրբեջանի դատախազության ներկայացուցիչներից: Համատեղ քննության ընթացքում ադրբեջանական կողմը ձերբակալել են զինծառայողի, որ կրակել է, որի հետևանքով զոհվել է խաղաղ բնակիչ: Ներկայում դիպուկահարի նկատմամբ շարունակվում են քննչական գործողությունները:
Տելեգրամյան ալիքի տեղեկություններով՝ այս սադրանքի պատճառով աշխատանքից ազատման վտանգի առաջ են ադրբեջանցի որոշ բարձրաստիճան գեներալներ:
Համաձայն Wargonzo-ի աղբյուրների՝ Բաքվի այս նախաձեռնողականությունը բացատրվում է նրանով, որ կրակոցների հետևանքով կարող էին զոհվել նաև ՌԴ խաղաղապահ ուժերի զինծառայողներ: Արցախում ռուս զինծառայողների վիրավորվելու մասին դեռ տեղեկություններ չկան, սակայն նման դեպքերում տեղեկությունը չի բարձրաձայնվում դիվանագիտական նկատառումներով:
--00--ԱԹ