ԵՐԵՎԱՆ, ՀՈՒՆՎԱՐ 18, 24News
Երևանի ընդհանուր իրավասության դատարանի՝ Ռոբերտ Քոչարյանի նկատմամբ ընտրված կալանավորումը ևս երկու ամիս ժամկետով երկարացնելու վերաբերյալ որոշման հրապարակումից կարճ ժամանակ անց Ռոբերտ Քոչարյանի պաշտպանները վերաքննիչ բողոք են ներկայացրել: Այդ մասին Քոչարյանի պաշտպանական խումբը հայտարարություն է տարածել:
Այսօր՝ հունվարի 18-ին, Երևանի ընդհանուր իրավասության դատարանը՝ նախագահությամբ Արթուր Մկրտչյանի, բավարարել է Հատուկ քննչական ծառայության քննիչի ներկայացրած միջնորդությունը Ռոբերտ Քոչարյանի նկատմամբ ընտրված կալանավորումը ևս երկու ամիս ժամանակով երկարացնելու վերաբերյալ:
Միևնույն ժամանակ, դատարանը մերժել է պաշտպանական խմբի ներկայացրած՝ կալանավորումն այլընտրանքային խափանման միջոց գրավով փոխարինելու վերաբերյալ միջնորդությունը: