Հայ ժողովուրդը՝ անցնելով պատմության սարսափելի էջերի միջով, չի կորցրել վերածնման կամքը

ԵՐԵՎԱՆ, ՀՈԿՏԵՄԲԵՐԻ 20, 24News

Հասարակական

ՀՀ օմբուդսմեն Արման Թաթոյանի եւ գործընկերների հետ ծաղիկներ խոնարհեցինք Երեւանում Ծիծեռնակաբերդի հուշահամալիրում անմար կրակի մոտ, որը նվիրված է 1915 թվականին Հայոց ցեղասպանության զոհերի հիշատակին։ Այս մասին սոցցանցում իր էջում գրել է Ուկրաինայի օմբուդսմեն Լյուդմիլա Դենիսովան։  

«Հայ ժողովուրդը՝ անցնելով պատմության սարսափելի էջերի միջով, չի կորցրել վերածնման կամքը։ Նրանցից հարյուր հազարավորները ստիպված են եղել լքել հայրենի հողը եւ ապաստան փնտրել աշխարհով մեկ: Հայոց ցեղասպանությունը ցավ է, որը մինչ օրս ցավով հիշվում է մեր հայ եղբայրների եւ քույրերի սրտերում: Սա մեկ ժողովրդի ողբերգություն չէ, այլ դաս ամբողջ մարդկության համար: Ցավդ տանեմ։ Ես իմ վրա եմ վերցնում հայ ժողովրդի ցավը, որպեսզի ողբերգությունը երբեք չկրկնվի»,-գրել է նա։

--00--ԿԿ

Տեսանյութեր