Մենք հնարավոր լուծումների լայն զինանոց ենք առաջարկում․ «Ռոսատոմի» գլխավոր տնօրեն

ԵՐԵՎԱՆ, ՆՈՅԵՄԲԵՐԻ 16, 24News

Լրջությամբ վերականգնվել, ամրացվել է կայանի սիրտը՝ ռեակտորը։ Այս մասին այսօր տարծքային կառավարման նախարար Գնել Սանոսյանի հետ համատեղ ասուլիսին հայտարարեց «Ռոսատոմի» գլխավոր տնօրեն Ալեքսեյ Լիխաչովը՝ անդրադառնալով Հայաստանի ատոմային էլեկտրակայանի 2-րդ էներգաբլոկի արդիականացմանն ու շահագործմանը հանձնելուն։

«Խորությամբ արդիականացվել, գործնականում փոխարինվել է էլեկտրաէներգիայի գեներացիայի սրահը՝ գլխավոր մկանը, որը մշակում է էլեկտրաէներգիան, արյունատար համակարգը, ուղեղը», - նշեց Լիխաչովը։

«Մենք հնարավոր լուծումների լայն զինանոց ենք առաջարկում», - ընդգծեց «Ռոսատոմի» գլխավոր տնօրենը։ 

Այսօր տարածքային կառավարման և ենթակառուցվածքների նախարար Գնել Սանոսյանը և «Ռոսատոմ» պետկորպորացիայի գլխավոր տնօրեն Ալեքսեյ Լիխաչովն այցելեցին Հայաստանի ատոմային էլեկտրակայան՝ կայանի 2-րդ էներգաբլոկի արդիականացման ու շահագործման ժամկետը մինչև 2026 թվականը երկարաձգելու առիթով: Ատոմակայանում շրջայցից հետո նրանք հանդես եկան համատեղ մամուլի ասուլիսով։

--00--ԿԿ