Ջրականի շրջանից hայտնաբերվել է 2 աճյուն

ԵՐԵՎԱՆ ՆՈՅԵՄԲԵՐԻ 23,  24 News

աճյուններ

2020 թվականի ռազմական գործողությունների ընթացքում զոհված և մինչ օրս անհետ կորած համարվող զինծառայողների և քաղաքացիական անձանց աճյունների (մասունքների) որոնողական աշխատանքները նոյեմբերի 23-ին Արցախի ՆԳ նախարարության ԱԻ պետական ծառայության փրկարարները մեկ ջոկատով իրականացրել են Արցախի օկուպացված հարավային թևում`Ջրականի (Ջաբրայիլ) շրջանում. հայտնաբերվել է ևս 2 աճյուն:

Ինչպես հայտնում են Արցախի ՆԳ նախարարության ԱԻՊԾ-ից՝ նրանց ինքնությունը կհաստատվի դատաբժշկական փորձաքննությունից հետո:

2020 թվականի նոյեմբերի 13-ից առ այսօր, Ադրբեջանի վերահսկողության տակ անցած Արցախի տարածքներում իրականացված որոնողական աշխատանքների և ադրբեջանական կողմի հետ դիերի փոխանակման արդյունքում` տարհանվել է ընդհանուր 1700 աճյուն, որոնց թվում նաև քաղաքացիական անձինք են։

--00--ԱՀ