«Ժամանակին ասում էի, որ պետք չէ գնալ ընտրությունների, իրավիճակը պետք է մարսվի, բայց եղան ընտրություններ, և դրանից անմիջապես հետո սկսել մի բան անհնարին է»,-լրագրողների հետ ճեպազրույցի ժամանակ նման կարծիք է հայտնել Հանրային խորհրդի նախկին նախագահ Վազգեն Մանուկյանը՝ անդրադառնալով «Ազգային դիմադրության ճակատ»-ի ձևավորմանը։
«Բայց հիմա, կարծում եմ, ժամանակը հասունացել է։ Պետք է հստակ դնել խնդիրը, պետք է հստակ ունենալ ծրագիր, թե ինչ հեռանկարներ կունենա Հայաստանը՝ այդ խնդիրն իրականացնելով, և պետք է լինի ղեկավար մարմին, թե չէ քաոսային շարժում կլինի»,-ասել է նա, ապա հավելել, որ ԱԺ-ն ոչինչ լուծել չի կարող, միայն կարողը հարցը հասցնել միջազգային մարմիններին։
Լրագրողի հարցին՝ ինչպե՞ս է գնահատում «Հայաստան» դաշինքի գործութնեությունը, Վազգեն Մանուկյանն նշել է, որ խորհրդարանական աշխատանքերին ուշադիր չի հետևում։
«Ազգային ժողովում բանավեճերից մեծ օգուտ չկա․ հարցը լուծելու է փողոցը»,-ասել է նա։
Մանրամասները՝ տեսանյութում։
--00—ԼՄ