ԵՐԵՎԱՆ, ՀՈՒՆՎԱՐ 30, 24News
Հայաստանի ֆուտբոլի ֆեդերացիան ապրիլից սկսած 10 նոր մարզադաշտ կկառուցի Վայոց ձորի մարզում: Այդ մասին հայտարարել է Հայաստանի ֆուտբոլի ֆեդերացիայի առաջին փոխնախագահ Արմեն Մելիքբեկյանը:
«Մարզերում ֆուտբոլի ենթակառուցվածքների զարգացման ծրագիրը մասսայական ֆուտբոլի զարգացման ծրագրի մի մասն է: Առաջին փուլում մարզերում մենք սիրողական ֆուտբոլի համար նախատեսված մարզադաշտեր ենք կառուցում: 40 մետր երկարությամբ, 20 մետր լայնությամբ և արհեստական խոտածածկով մարզադաշտեր են լինելու: Առաջին փուլը, որը հետազոտական էր, ավարտվել է: Առաջին 10 մարզադաշտերը կկառուցվեն Վայոց ձորի մարզում», - ասել է Մելիքբեկյանը:
Ըստ ՀՖՖ առաջին փոխնախագահի՝ բնակավայրերն արդեն ընտրված են, իսկ բոլոր մանրամասներն արդեն համաձայնեցված են: Ծախսերի հիմնական մասն իր վրա է վերցրել ՀՖՖ-ն: Ներդրումներ կատարելու է նաև համայնքը:
«10 մարզադաշտերն օգտագործվելու են մասսայական ֆուտբոլի, սիրողական մրցաշարերի անցկացման և զարգացման համար: Դաշտերի կառուցումը մոտավորապես կսկսի ապրիլին», - ասել է նա: