ԵՐԵՎԱՆ, ՀՈՒՆՎԱՐԻ 26, 24 News
ՌԴ առողջապահության նախարարությունը հունվարի 25-ին հավանություն է տվել համավարակի ժամանակաշրջանում Ռուսաստանի տարածքում կորոնավիրուսի կանխարգելման համար AstraZeneca ընկերության «Էվուշելդ» (Evusheld) պատրաստուկի օգտագործմանը: Այդ մասին, ինչպես տեղեկացնում է «Արմենպրես»-ը, վկայում են համապատասխան թույլտվությունների պետական գրանցամատյանի տվյալները:
Պատվաստումների համար լուծույթը պացիենտներին ներարկվում Է երկու չափաբաժնով, ընդ որում՝ հավանության արժանացած խմբաքանակի ծավալը 3500 չափաբաժին Է, նշվում Է գրանցամատյանում:
Դեղամիջոցների կենտրոնացած գնումը հանձնարարված Է ՌԴ առողջապահության նախարարության՝ Քաղաքացիներին դեղամիջոցներով ապահովման պլանավորման ու կազմակերպման դաշնային կենտրոնին AstraZeneca ընկերության կողմից մշակված «Էվուշելդ» պատրաստուկը հավանություն Է արժանացել 2021 թվականի դեկտեմբերի սկզբին ԱՄՆ-ի սննդամթերքի եւ դեղամիջոցների որակի սանիտարական հսկողության վարչության (FDA) կողմից՝ թույլ իմունային համակարգ ունեցող մարդկանց մոտ կորոնավիրուսի կանխարգելման համար, որոնք չեն կարող պատվաստանն ի պատասխան պաշտպանություն մշակել առկա հիվանդությունների պատճառով, ինչպես նաեւ այն պացիենտների համար, որոնց մոտ պատվաստանյութերը լուրջ կողմնակի ազդեցություններ են առաջացնում:
Ամերիկյան կարգավորիչի հանձնարարականների համաձայն, «Էվուշելդ»-ը պետք Է օգտագործեն 12-ից բարձր տարիքի եւ առնվազն 40 կիլոգրամ քաշ ունեցող մարդիկ՝ հիվանդությունների եւ COVID-19-ով վարակվածների հետ վերջերս շփումների բացակայության դեպքում:
FDA-ի տվյալներով՝ պատրաստուկի մեկ չափաբաժինը կարող Է ախտահարման դեմ արդյունավետ լինել կես տարի: 2021 թվականի հոկտեմբերի 14-ին Evusheld-ի գրանցման հայտի քննարկում Է նաեւ սկսել Դեղամիջոցների եվրոպական գործակալությունը (EMA):
--00—ՄՀ