ԵՐԵՎԱՆ, ՓԵՏՐՎԱՐԻ 9, 24News
ՀՀ արտաքին գործերի նախարարությունից տեղեկացնում են, որ նախարարի տեղակալ Մնացական Սաֆարյանը ընդունել է ՀՀ-ում Չինաստանի դեսպան Ֆան Յոնգին։
Դեսպան Ֆանը շնորհավորել է Մնացական Սաֆարյանին ԱԳ նախարարի տեղակալի պաշտոնում նշանակման կապակցությամբ։ Զրուցակիցները քննարկել են փոխադարձ շփումների ակտիվացմանը, տնտեսական ոլորտում համագործակցության խթանմանը, ՀՀ և ՉԺՀ միջև դիվանագիտական հարաբերությունների 30-ամյա հոբելյանին նվիրված միջոցառումների անցկացմանն առնչվող հարցեր։
ԱԳ նախարարի տեղակալը շնորհավորել է դեսպան Ֆանին Պեկինի 24-րդ ձմեռային օլիմպիական խաղերի բացման կապակցությամբ՝ մաղթելով ամենայն հաջողություն:
--00—ԼՄ