ԵՐԵՎԱՆ, ՄԱՐՏԻ 9, 24News
Հաշվի առնելով Պետական ռեգիստրի գործակալությանն ուղղված դիմումների աննախադեպ քանակը՝ Արդարադատության նախարարությունը խնդրում է օգտվել e-register.am կայքի առցանց ծառայություններից:
ԱՆ տարածած հաղորդագրության մեջ ասվում է. «Հաշվի առնելով վերջին մի քանի օրերի ընթացքում ՀՀ արդարադատության նախարարության Պետական ռեգիստրի գործակալությանն ուղղված դիմումների աննախադեպ քանակը՝ խնդրում ենք հնարավորության դեպքում օգտվել e-register.am կայքում առաջարկվող առցանց ծառայություններից՝
ԱՁ սկզբնական հաշվառում (դիմումը ներկայացնում է բացառապես որպես անհատ ձեռնարկատեր հաշվառվող քաղաքացին),
ԱՁ-ի անձնագրային տվյալների փոփոխություն,
ՍՊԸ նմուշային փաստաթղթերով պետական գրանցում (դիմումը ներկայացնում են հիմնադիրները և գործադիր մարմնի ղեկավարը),
ՍՊԸ գործադիր մարմնի ղեկավարի անձնագրային տեղեկությունների փոփոխություն։
Նշված ծառայություններից օգտվելու համար անհրաժեշտ է ունենալ ակտիվ էլեկտրոնային ստորագրություն։
Նշված ծառայություններից օգտվելիս կարող եք օգտվել կայքում տեղադրված՝ առցանց եղանակով ծառայություններից օգտվելու ուղեցույցից:
--00—ՄՀ