Սննդի շղթայի 516 օբյեկտում իրականացված ստուգայցերի արդյունքում հայտնաբերվել են խախտումներ

ԵՐԵՎԱՆ, ՄԱՐՏԻ 9, 24News

 

տռռեգտեռգ

Նախորդ շաբաթվա ընթացքում, ՍԱՏՄ տեսուչները վերահսկողական ստուգայցեր են իրականացրել հանրապետությունում գործող սննդի շղթայի 516 օբյեկտում՝ վերահսկելու համար covid-19-ի դեմ ձեռնարկվող միջոցառումների պահպանումը:

Հայտնաբերված խախտումների հիման վրա արձանագրություն է կազմվել 14 կազմակերպությունում:

ՀՀ սննդամթերքի անվտանգության տեսչական մարմինը հիշեցնում է, որ հունվարի 22-ից հանրային սննդի օբյեկտ մուտք գործելիս անհրաժեշտ է ներկայացնել ՊՇՌ հետազոտության բացասական արդյունքը հավաստող առավելագույնը 72 ժամ վաղեմության սերտիֆիկատ, կամ COVID-19 հարուցչի հակածնի հայտնաբերման արագ ախտորոշիչ թեստի 24 ժամյա վաղեմության բացասական արդյունքը հավաստող տեղեկանք, կամ պատվաստման սերտիֆիկատ՝ բջջային հավելվածի QR կոդի միջոցով կամ թղթային տարբերակով։

Խախտումների արձանագրման դեպքում տնտեսավարողը ենթարկվում է վարչական պատասխանատվության՝ տուգանքի, 100-300 հազար, մեկ տարվա ընթացքում խախտման կրկնվելու դեպքում՝ 150-500 հազար դրամի չափով:

--00--ՍԳ