ԵՐԵՎԱՆ, ՓԵՏՐՎԱՐԻ 6, 24News
Հունահռոմեական ոճի ըմբշամարտի Օլիմպիական խաղերի, Եվրոպայի և աշխարհի չեմպիոն Արթուր Ալեքսանյանը կարող է բաց թողնել ընթացիկ տարվա Եվրոպայի առաջնությունը:
Այդ մասին լրագրողների հետ ճեպազրույցի ժամանակ ասել է Հունահռոմեական ոճի ըմբշամարտի Հայաստանի հավաքականի գլխավոր մարզիչ Լևոն Ջուլֆալակյանը:
«Արթուրն այս շաբաթվա վերջում ԱՄՆ-ից կվերադառնա Հայաստան: Վերջնականը բժիշկները կասեն, թե ինչ աստիճանի ծանրաբեռնվածությամբ Ալեքսանյանը պետք է շարունակի մարզումները: Հաստատ է այն, որ Արթուրը մեծ ձգտում ունի լավ նախապատրաստվելու առաջիկա մրցաշարերին», - ասել է մարզիչը:
Ջուլֆալակյանը հավանական է համարում, որ Արթուր Ալեքսանյանը բաց կթողնի Եվրոպայի առաջնությունը:
Ըմբշամարտի Եվրոպայի այս տարվա առաջնությունը կանցկացվի ապրիլի 8-14-ը, իսկ աշխարհի առաջնությունը` սեպտեմբերի 14-22 Աստանայում: