ԵՐԵՎԱՆ, ԱՊՐԻԼԻ 10, 24News
Այսօր՝ ապրիլի 10-ին, ողբերգական դեպք է տեղի ունեցել Երևանում: Այս մասին հայտնում է shamshyan.com-ը։
Ժամը 18:50-ի սահմաններում, Թբիլիսյան խճուղում գտնվող «Երազ» այգուց մարմնական վնասվածքներով մի տղամարդու բժիշկների հերթապահ խումբը նախ տեղում առաջին բուժօգնություն է ցուցաբերել, ապա տեղափոխել Միքայելյանի անվան վիրաբուժական ինստիտուտ:
Այդ քաղաքացին «Երազ» այգու տարածքում գործող մոտ 7 մետր բարձրություն ունեցող զիփլայնից վայր է ընկել: Նրան առաջինը օգնության են հասել այգու աշխատակիցները:
Այս պահին տեղում աշխատում է հետաքննիչը, ում կողմից փաստի առթիվ նյութեր են նախապատրաստվում:
Մինչ դեպքի վայրի զննություն էր կատարում հետաքննիչը, հիվանդանոցից ահազանգ է ստացվել ոստիկանության Արաբկիրի բաժին, որ վիրավորը, գիտակցության չգալով, մահացել է: Ոստիկանությունը պարզում է մահացածի ինքնությունը:
--00--ՀԶ