ԵՐԵՎԱՆ, ՄԱՅԻՍԻ 10, 24News
Մայիսի 8-ին Գյումրիում տեղի ունեցած «Դիմադրություն» շարժման ցուցարարների և տարեց տղամարդկանց միջև տեղի ունցած միջադեպի պատճառով հարուցված քրեական գործի շրջանակներում ձերբակալվել է երկու անձ: Այս մասին 24News-ին տեղեկացրեց ՀՀ քննչական կոմիտեի մամուլի քարտուղար Վարդան Թադևոսյանը:
Նրա խոսքով՝ ձերբակալվածներից մեկը ՀՀ ԱԺ «Հայաստան» խմբակցության պատգամավոր Գեղամ Մանուկյանի որդին է՝ Տարոն Մանուկյանը:
Մյուս անձը ընդդիմադիր ակտիվիստ Գոռ Սարգսյանն է:
Հիշեցնենք, որ երեկ համացանցում տեսանյութ էր տարածվել, որ «Դիմադրության շարժման կողմից դեպի Գյումրի ավտոերթի ճանապարհին վեճ է բռնվել երիտասարդների և տարեցների միջև և տարեցներին ծեծի ենթարկելու դեպքի առթիվ հարուցվել է քրեական գործ::
ՀՀ քննչական կոմիտեն տեղեկացրել էր, որ նախաքննության ընթացքում պարզվել է վերոնշյալ երիտասարդների հանցավոր արարքներից տուժած տղամարդկանց ինքնությունը, որոնք 74, 56, 72 և 84 տարեկան քաղաքացիներ են: