Խոշոր ավտովթար՝ Կոտայքի մարզում. մի քանի տոննա գազաբալոններով բարձված ЗИЛ 130–ը կողաշրջվել է

ԵՐԵՎԱՆ, ՄԱՅԻՍԻ 20, 24News

Կոտայք ավտովթար

Այսօր՝ մայիսի 20-ին, խոշոր ավտովթար է տեղի ունեցել Կոտայքի մարզում, հայտնում է shamshyan.com-ը: 

Ժամը 16:00-ի սահմաններում Գեղարքունիքի մարզի բնակիչ, 39-ամյա Արամ Մ.-ն իր վարած ЗИЛ 130 մակնիշի բեռնատարով Աբովյան-Աշտարակ ավտոճանապարհի Եղվարդի վարչական տարածքում՝ Եղվարդ քաղաքի սկզբնամասում դեռևս անհայտ հանգամանքներում կողաշրջվել է: 

Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ վթարի հետևանքով, բարեբախտաբար, տուժածներ չկան: Օպերատիվորեն ժամանել են ճանապարհային ոստիկանության  2-րդ սպայական գումարտակի 3-րդ վաշտի 1-ին դասակի ծառայողները՝ վաշտի հրամանատար Արթուր Պետրոսյանի, դասակի հրամանատար  Տիգրան Քոթանջյանի գլխավորությամբ: Տեղում ուժեղացված ծառայութուն են կատարել նույն վաշտի տեսուչներ Էդուարդ Աղաբեկյանն ու Լևոն Թևոսյանը, որպեսզի  վերամբարձ կռունկի միջոցով ЗИЛ-ը դարձի բերեն և տեղափոխեն անվտանգ վայր:
 
Կողաշրջման հեռևանքով ճանապարհը մասամբ դարձել էր միակողմանի: Վթարի փաստով ՃՈ 2-րդ սպայական գումարտակի 3-րդ վաշտի ավագ հետաքննիչ  Մայիս Բադոյանի կողմից նյութեր են նախապատրաստվում: 

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: 

--00--ԱԱ